Dominique CASIMIR.

 

SOLEIL LA I FOUETTE.

Mon jour i komence

Ke déjà soleil i fouette mon dos

Moin lé kom un zesclave

Mi traîne mon chaîne

Zuska l'heure i tour

Pou sauv mon po

Soleil la tellement i anguett

Mi na l'impression

Ma la pou bataille

Mé seulemen dann vide

Mon fron i bav

Kom unn p'ti baba

Mon chomiz i koule

Kom un kaskad

Et mi batt , mi batt

Mi batt memm la pierre

Mi batt memm béton

La vi lé durr

Mé sek lé sûr

Cé ke demain

Si soleil la i fouette

Touzour kom ça

Ben ma retrouv amoin

Dann ba la rivière

Ekk mon golett

Mon savatt dé doua

Et mon riz la mizerr

Ki sé chagrin la plui

Va pé t'être

Change un peu la vi

Mé bon !...

Le jour i fini,

Ke soleil i fouette déjà dott dos,

Va less anou un pé trankil

Zuska demain...mi esper...

Kar dann fonn mon koeur

Ma la pou récitt mon rêve

Kom un lespoir dann fénoir.

Dominique CASIMIR.

In Point barre, Revue de poésie contemporaine - N° 6, Cygnature, 2009 (Île Maurice).