Sadek RUHMALY (Moris).

UNE ÂME SOLITAIRE AU MILIEU DE L'ORAGE...

Mo passe dan mo landrwa 
Mo rode pase mo lafin
La Queue dan bulanzeri...
Parfin  moule transé so...
Paté Pwason dan fur...
Sakenn pase so komand...
Rod enn porsyon an plus...
Lizie kontrol lestoma...
Tigit Tigit vinn mo tur...
Hésitation...
Moule transe u baget so.
Enn ou byen de Paté Pwason.
Mo peye mo tann enn tapaz..
Loraz borde... Gronde...
Pa kapav tini...
Devore enn Pate Poisson an plas...
Mo remarke enn zoli bataz...
Chemise Hawaï...
Bleu tropical...
Enn sitoyen rasta morisyen...
Tusel deor dan Loraz...
Mo partaz en Pate ek li...
Mo demande li permisyon...
Pran enn foto so lenerzi...
Mo surpri par so lavwa...
Enn ducer anrobe ek polites...
Enn limilite an silans...
Mo esaye pa entrave so lespas.

Mo remercie li...
Mo suet li boner...
Mo return dan loto...
Manz mo gato...
Mo gagne gu pa ase.
Mo resorti...
Reale pou prann deziem Pate.
Mo fini degiste...
Mo demare ek mo salie lam soliter...
Bann loto zoli model dan parking bulanzeri...
Zot demare ek sak plin...
Lam soliter so regar bese...
Li pa kemande...
Mo pa zize...
Me lakaz mo maziner...
Kifer mo pa alle asete enn deziem gato pu li usi...
Sirma li finn truv Pate la bon
Parey kuma mwa...
Kuma mo leker finn gagne katarak ?
Kuma mo laservel finn kale kumsa ?
Mo asi mo maziné...
Tusa lieux de culte de tout bord...
La mem la... Kat kwin simin...
Tu sa devo la...
Tu sa loto la...
Kifer dan Loraz ena brebi soliteR
Partu ena developma pou Metro...
Kuma pena enn ti boulot pou li...
Zis pur depann li...
Pur ki ena la limiyeR dan so lavi...
Pa ZekleR...
Zordi aswar...
Pur ena ZekleR dan lekeR...

Ene De Trwa Pate pa pur sanz so lavi...
Me kapav sa pur donn li lespwar dan so Pay...
Enn klin zey dan realite Moris...
Loraz dan lestoma...
ZekleR dans lekeR.
Napa sa ki model developma...
Napa sa ki koktel relizion...
Napa sa ki rev zanfan Moris...
Soliter dan tombo...
Soliter lor la ter...
Kuma pur invant enn nuvo Rev ?
Samem nou devwar...
Rode lorizon pur lezott...
Puki nu tu manz Pate...
Enn de trwa kat...
Quadricolore Attitude ?
Amen.

Texte et photographie : Sadek RUHMALY

All rights reserved.