Un poème en kreol sur le COVID-19 de Anil Rajendra GOPAL (Moris).

RES TO LAKAZ MAM

kovid / enn koko vid / ki pe devid nou koko /
fer nou dans toupi / an solo /
fer nou koko dyaz /
kovid pe elimine ar laraz /

aret fer fezerdespri /
nou tou vilnerab / divan li /
ar sa move virus-la / pa zwe kouk /
mam ? Bizin al kasyet / sinon boukou douk /

me selman to'nn trouve /
ki to pa'nn remarke ? /
li vilin/  li malin / me li egalitaris /
divan li / pena mizer / pena ris /

pena tipti / pena gran /
pena klas / pena ran /
nou bizin ini / 
kont nou sel lenmi /

aret al vann-vane /
mam ? / aret fane /
res to lakaz /
protez twa ek to lantouraz /

Anil Rajendra GOPAL

Toronto (Canada), le 28 mars 2020.